سواق ماشي على الطريق واحد لابس احمر في احمر شاورله فوقف السواق
وقاله : أنتا مين وعايز إيه
قاله :0 أنا الفرفور الاحمر وعايز توصلني
فقاله :- لأ مابوصلش فرافير
ومشي وسابه شويه لقى واحد لابس أصفر في اصفر وشاورله فوقف
وقاله :- أنتا مين وعايز إيه
فقاله أنا الفرفور الأصفر وعايزك توصلني
فقاله لأ مابركبش فرافير ومشي وسابه
شويه وقابله واحد لابس أخضر في اخضر عمل معاه نفس الحكايه في السواق سابه ومشي
شويه كمان كده ولقى واحد لابس ابيض في ابيض بيشاورله فالسواق وقف
وقاله ياترى أنتا بقى الفرفور الابيض
فقاله الراجل فرفور إيه
رخصك ياروح ماما
س: ايه الشبه بين الجرنال والشمس ؟؟
ج: الاتنين بيطلعوا الصبح
س: ايه الشبه بين التفاح والكمثرى ؟؟
ج: الاتنين مش جوافة
***********
س: ايه الفرق بين الصحراء.. وايام الاسبوع.. وموس لورد ؟؟
ج: الصحراء مفيهاش حد
ايام الاسبوع فيها حد واحد
موس لورد فيه حدين
***********
س: واحد وقع من الدور التاسع لقى ايه ؟؟
ج: لقى مصرعه
س: واحد وقع من الدور العاشر لقى ايه ؟؟
ج: لقى حتفه
***********
س: ليه الأرنب مبيعديش من قدام القهوة ؟؟
ج: بيخاف من السحلب المكار
س: دكتور أسنان ارتكب جريمة يسجنوه فين ؟؟
ج: في سجنال تو
***********
س: ليه نابليون كان بيقعد قدام التلاجة ؟؟
ج: عشان يستنى حملة فريزر
***********
س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس
س: إيه وجه الشبه بين القمر وصينية البطاطس ؟
ج: الإتنين ميتعملوش عصير مانجو
***********
س: ليه في الأرجنتين مش بيزرعوا تين ؟
ج: لأنها من الدول اللا تينية
***********
س: إيه الفرق بين الليمون والزيتون ؟؟
ج: الأولاني بيتعمل منه لاموناتة والتاني مابيتعملش منه زاتوناتة
س: إيه الفرق بين الزمالك والشامبو البرت بلاس ؟؟
ج: البرت بلاس اتنين فى واحد لكن الزمالك اتنين فى عبد الواحد