Crazy Friends

The Best Site Of Romance
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 قصيده..لكل مصري

اذهب الى الأسفل 
كاتب الموضوعرسالة
a7medl0vers
..::وسام التميز::..
..::وسام التميز::..
avatar

عدد المساهمات : 333
نقاط : 834
تاريخ التسجيل : 31/10/2009
العمر : 24
الموقع : www.a7medl0vers.co.cc

مُساهمةموضوع: قصيده..لكل مصري   الجمعة نوفمبر 20, 2009 4:23 pm

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
تقبلوها مني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
btata raafat
..::العضو المبتدأ::..
..::العضو المبتدأ::..
avatar

عدد المساهمات : 68
نقاط : 106
تاريخ التسجيل : 13/11/2009

مُساهمةموضوع: رد: قصيده..لكل مصري   الجمعة نوفمبر 20, 2009 8:42 pm

هو المصرى كدة يتهان بكل الاساليب ولسبب واحد انه مصرى

مشكور على القصديه فى محلها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيده..لكل مصري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Crazy Friends :: ..::Funny::.. :: ..::منتدى المرح والترفيه::..-
انتقل الى: